Hi, kolega sira. Se Ita hakarak aproveita tempu iha uma durante periodu Estadu Emerjénsia relasiona ho krize Covid-19, ha'u konvida Ita atu tuir ha'u-nia kursu lian-Inglés báziku ne'e liuhusi Google Classroom. Hodi rejista, iha opsaun rua:
1) Klik iha classroom.google.com no tuir mai tama (sign-in) iha Ita-nia konta Google pesoál ho enderesu email no Password; Klik iha + "Join Class" no hatama kódigu klase: p4lijan
2) Uza janela Chat (haree iha okos liman loos) hodi fahe Ita-nia enderesu email mai ha'u no ha'u sei haruka "link" ida ba Ita hodi fó asesu ba kursu ne'e.
Kursu ida-ne'e GRATIS, maibé Ita sei presiza investe Ita-nia tempu minutu 30 loroloron hodi estuda no hala'o atividade sira ne'ebé ha'u fahe ho Ita.
Ita presiza de'it kadernu no lapiseira, telemóvel (Android ka iPhone) ho microfone/kamara .... no pulsa ruma.
Semana ida dala ida Ita sei hasoru malu liuhusi Video Chat hodi halo konversa simples iha lian-Inglés.
Númeru estudante ne'ebé bele asesu ba kursu ne'e limitadu, nune'e rejista lalais. :-) BENVINDU mai ha'u-nia Kursu Lian-Inglés! :-)