Nivel pre-eskolar
(idade 3-5):
Livru atividade Numerasia / Introdusaun ba Matemátika
Livru ne’e halo no dezenvolve espesialmente ba Ita no ba Ita-nia kanorin / oan sira. Nia objetivu atu oferese ba Ita-nia kanorin ka oan sira esperiênsia furak barak iha konseitu aprendizajen matemátika báziku.
Dokumentu iha okos ne'e Ita bele imprime no download hodi uza iha uma laran ka iha sala laran.
Kantu istória
Lee livru no konta istória ba labarik hahú ho idade ki'ik importante tebes
ba sira-nia dezenvolvimentu kognitivu (kakutak), sosiál no emosionál.
Inan-aman no membru família sira seluk bele ajuda labarik sira atu hadomi
lee no aprende atu lee no hakerek liuhusi lee livru ba sira lorloron. Livru sira
bele sai ita-nia belun boot durante ita-nia moris tomak!
Lee livru "Ha'u Hatene Konta"
Laiha buat ida mak furak liu haree labarik ki’ikoan ida ko’alia no luta ba buat loos. Mai ita lee hamutuk oinsá Noi nia esperiénsia bele hanorin ita importánsia husi ko’alia no luta ba buat loos.
Lee livru "Kalohan ne'ebé kaan-teen"
Kalohan ida aprende katak nia boot no saúde
depende ba ai-horis no bee ne'ebé iha nia okos.
Rona no Hananu Múzika Alfabetu Tetun
Lee alfabetu iha lian Tetun halo ita hotu sai hatene lee!
(Ego Lemos, Minister Edukasaun Timor-Leste, 2015)
Nivel ensinu-báziku:
Biblioteka
Livru sira-ne'e ha'u hakerek hodi apoia Kurríkulu Foun Ensinu Báziku nian. Tanba orsamentu Ministériu Edukasaun la sufisiente atu imprime livru hotu-hotu ne'ebé alunu Ensinu Báziku sira presiza iha sala laran, entaun ha'u estabelese projetu ida naran "New Books for a New Nation" iha Melbourne, Australia. Ho apoiu tékniku husi belun Lee Burgemeestre (dezeñadora livru) no doasaun husi komunidade Australianu, ami konsege imprime ona livru 10 ba eskola sira iha Timor-Leste. Ha'u espera katak Ita-Boot no Ita-nia oan ka kanorin sira sei gosta!
Livru seluk ho lian Tetun barak loos No iha livru 40 tan iha website ne'e!
(iha títulu 70!) bela asesu liuhusi Asia
Foundation nia site "Let's Read" ne'e:
Website seluk nakonu ho livru iha lian Tetun, Fataluku, Baikenu no Galolen mak ne'e:
Se Ita-Boot gosta livru sira-ne'e,
bele download no imprime hodi
lee iha ne'ebé de'it. Karik Ita iha
interese, entaun bele traduz ba
Ita-nia lian rasik!
Atividade aprendizajen sira seluk:
Sentru Estudu Siénsia no Matemátika (SESIM) estabelese iha 2009 no fó ona formasaun ba manorin sira barak iha Timor-Leste hodi ajuda sira atu hanorin liuhusi prátika ho baze iha kultura Timor-Leste rasik.
Istória Rezisténsia Timor-Leste
Feto iha Luta ba Libertasaun Nasionál
Kronograma Feto Nia Luta ba Harii Timor-Leste (1974 - 2020)
Feto sira envolve an iha papél oin-oin durante luta ba ukun rasik an no kontinua partisipa iha área polítika no dezenvolvimentu nasaun ne’e depoizde independénsia.
Kronograma ne’e dezenvolve liuhusi kolabrasaun entre Sekretaria Estadu ba Igualdade no Inkluzaun, Centru Nasional Chega! no UN Women, ho apoiu finanseiru husi Governu Japaun. Ita hein katak ida ne’e sei inspira atu hakerek tan istoria barak hodi fahe be jerasaun sira tuir mai.
Ha'u mak halo ilas ba
livru kona-ba Kalohan
iha okos!
Xanana iha Prizaun
Bainhira “Bapa” sira kaptura Xanana Gusmão iha tinan 1992, militár Indonéziu fiar katak povu Timór nia “Maun Boot” ne’e sei haluha nia luta. Sira hanoin sala.
Samea!
“Samea!” livru furak ida kona-ba Manuela, labarik feto Timor oan ne’ebé uza nia paixaun no matenek kona-ba samea hodi salva Koordenadora Eskola bainhira samea ki’ik ida tama iha hariis-fatin eskola nian. To’o ikus, ema hotu hakarak sai Manuela nia belun tanba nia aten-barani :-)
Ha'u ho ha'u-nia belun
Zeca ho Jack sira-nia amizade liu tiha bareira kultura no abilidade sira.
"Husi livru sira, ami aprende buat barak kona ba kultura ida-idak nian."
Mundu ne'ebé lakon ona: Timor-Leste
Livru interesante kona-ba Timor-Leste nia istória iha tempu dinosauru! Hakerek-na'in mak ha'u-nia belun di'ak, Prof Patricia Vickers-Rich (peritu Jeolojia ne'ebé deskobre ona dinosauru barak) ho Dr José Ramos-Horta.
Atividade:
Buka took lafatik ka luhu iha uma.
Buka forma sira-ne’e no forma seluk tan.
* Ro
* Mitsubishi
* Ai-funan
* Matan
Rosa "Muki" Bonaparte Soares
Rosa Bonaparte Soares eroina libertasaun nasionál. Nia moris iha Manatuto iha tinan 1957. Ho idade nurak tebes nia hetan oportunidade atu estuda iha Portugal. Bainhira nia fila ba Timor-Leste iha tinan 1975, nia lori esperansa boot no planu barak ba nia povu. Nu'udar membru Komité Sentrál Fretilin, nia estabelese organizisaun feto ida naran Organizasaun Popular da Mulher de Timor ka OPMT. Rosa lakon nia vida bainhira militár Indonéziu lansa invazaun iha Dili iha loron 7 Dezembru 1975.
Tinan hirak liuba ha'u hakerek "Muki" nia biografia ho forma fiksaun istóriku ho objetivu atu dada labarik sira-nia interese ba eventu no ema ne'ebé define Timor-Leste nia istória modernu.
ITA-BOOT HAKARAK LEE "MUKI: ROSA BONAPARTE SOARES NIA DIÁRIU"? BUKA NIA "LINK" IHA HA'U-NIA PÁJINA "EMBAIXADORA DA BOA VONTADE PARA OS ASSUNTOS DA EDUCAÇAO IHA FACEBOOK (HAREE IHA OKOS).