top of page

Kursu no livru lian-Inglés online no gratis!

Ha'u-nia "post" kona-ba kursu lian-Inglés husi Kings College London dada interese husi ema barak. Nune'e ohin ha'u hakarak fahe info seluk kona-ba kursu online ida tan, hamutuk ho fonte livru sira ho lian-Inglés hodi ajuda ha'u-nia alin sira iha Timor-Leste atu aproveita tempu izolamentu sosiál ne'e.


Aprende Lian-Inglés “gratis” ho USA Learns (website edukasaun 100% gratis): Se Ita hakarak aprende Inglés online, entaun bele rejista ba kursu ida-ne’e: http://www.usalearns.org/


Instrusaun mak hanesan tuir-mai ne’e: 1. Klik iha “Start Now” 2. Preenxe enderesu email, naran no kria palavra passe (password) ida - tenki uza letra ka númeru 6 3. Hakerek fila fali Ita-nia palavra passe (Confirm Password) 4. Klik iha botaun “Register” 5. Tuir mai presiza konfirma Ita-nia email - cek Ita-nia “inbox” email nian no klik iha “link” ne’ebé Ita simu 6. Bainhira Ita-Boot klik iha link ne’e sei mosu pájina ne’e: Your USA Learns Account Was Confirmed 7. Agora klik iha “sign in” hodi tama iha kursu ne’e 8. Iha pájina “Student Sign In” klik “sign in” 9. Iha “First English Course” nia okos klik “Start Now”! Sorte di’ak no aproveita didiak Ita-nia kursu lian-Inglés! Se karik alin sira buka fatin hodi lee livre barak ho lian-Inglés hodi hadia Ita-nia vokabuláriu no komprensaun, entaun hakat ba site ida-ne'e: https://drive.google.com/open?id=1M_sOz9VuyXWJjsFnsldGvktVv_O3di0T


Iha link leten ne'e, Ita bele hetan livre 7 ho lian-Inglés ba Nivel EB Siklu Datoluk.


Livru sira seluk bele hetan online iha: https://freekidsbooks.org/reading-level/older-children/

Hakoak boot,




Mana Kirsty


PS - Keta haluha vizita ha'u-nia pájina iha Facebook: https://www.facebook.com/BoaVontadeEdukasaunTimorLeste/

109 views0 comments

Recent Posts

See All
bottom of page