Aprende iha uma! (Learning at home!)

#aprendeihauma

Uma maka "sala aula" dahuluk ba ki'ik oan sira hotu iha mundu ida-ne'e. Husi inan-aman no membru família seluk mak labarik sira hahú atu komprende sira-nia ambiente.

Moras foun ida naran "Covid-19" ka "Virus Corona" mosu ona iha ita-nia leet. Derepenti mundu tomak tenki adapta-an ho regra no hahalok foun hodi salva ita-nia vida. Iha fatin barak eskola sira taka hodi proteje komunidade.

Aproveita tempu durante periodu la fásil ida-ne'e hodi halibur membru família tomak ba atividade aprendizajen oioin!

Ita bele lee livru simplés ba labarik ki'ik kona-ba Virus Corona iha ne'e:

Iha ne'e, ha'u sei fahe ideias no materiál balun ... hodi fanun imi-nia imajinasaun no kriatividade! Favor ida haree ha'u-nia Pájina "Livru no Atividade ba Labarik" iha website ida-ne'e hodi bele lee livru barak no haree video edukativu sira.

Favor ida, fahe ita-nia ideias kona-ba atividade sira seluk ne'ebé inan-aman, maun-bin no alin sira bele halo iha uma ... hodi evita "moras" baruk no estimula labarik sira-nia matenek no espíritu hakarak hatene (kuriozidade). Favor hakerek iha parte "comment" iha okos.

(Husi "Siénsia no Matemátika iha ita nia Moris Loroloron, Ensiklopedia Multimedia", Sentru Estudu Siénsia no Matemátika)

Imi bele hetan nia solusaun ka lae? Keta haluha, kakutak rua ka tolu di'ak liu ida de'it! Tuur hamutuk no diskute ho membru família sira seluk :-)

Ha'u hakarak konvida imi atu halo vizita ba ha'u-nia Pájina Embaixadora da Boa Vontade para os Assuntos da Educação iha Facebook. Iha ne'ebé iha tan ideias balu kona-ba importánsia lee ba/ho labarik sira no link ba livru seluk tan.